सिलगढीमा अधिक मात्रामा गाँजा सहित 1 जना पक्राउ

सिलगढी (निसं): प्रधान नगर थाना पुलिसले अधिक मात्रामा गाँजा सहित एकजना व्यक्तिलाई पक्राउ गरेपछि आज सिलगढी अदालतमा पेश गर्यो। पक्रा परेका व्यक्ति कुचबिहार निवासी रञ्जीत बर्मन (35)-को रूपमा चिन्हित गरिएको छ। प्राप्त जानकारी अनुसार रञ्जीत बर्मन धेरै समय अघिदेखि सिलगढी नगरनिगमको 46 नम्बर वार्ड अन्तर्गत पर्ने पोकाइजोत इलाकामा एउटा भाडाको घरमा बस्दै आइरहेका थिए भने तिनले यसै घरमा मादक पदार्थको व्यवसायी चलाउँदै आइरहेका थिए। गोप्य सूचनाको आधारमा गत राति प्रधान नगर थाना पुलिसले उक्त घरमा अभियान चलाएर एउटा ब्यागबाट 10 किलो गाँजा उद्धार गर्नको साथै रञ्जीत बर्मन नाम गरेको एकजना व्यक्तिलाई पक्राउ गरेको बताइएको छ। पुलिसले घटनाको जाँच सुरू गरेको छ।