सिलगढीमा ब्राउन सुगर, नगद राशिसहित दुईजना पक्राउ

सिलगढी : सिलगढी मेट्रोपलिटनको मतिगढा थाना पुलिसले  गत राति गोप्य सूचनाको आधारमा अभियान चलाएर यहाँको खोपरेल मोडबाट दुईजना व्यक्तिलाई नगद राशि अनि नशालु पदार्थसहित पक्राउ गऱ्यो। पुलिस सूत्रले दिएको जानकारी अनुसार मातिगढा पुलिसले गोप्य सूचना पाएर सादा पोशाकमा अभियान चलाएर खोपरेल मोड़ छेउबाट दुईजना व्यक्तिलाई लगभग 950 ग्राम ब्राउन सुगर अनि नगद 4 लाख रूपियाँसहित पक्राउ गरेको छ। पक्रा पर्नेहरू स्माइल हक र मोहम्मद कौशारको रूपमा चिन्हित गरिएको छ। स्माइल हक मालदा निवासी अनि मोहम्मद कौशार मतिगढा निवासी रहेको बताइएको छ। आज दुवै आरोपीलाई सिलगढी अदालतमा पेश गरेपछि पुलिस हिरासतमा पठाइएको छ। पुलिसले घटनाको विस्तृत छानबीन गरिरहेको छ।