सिलगढीमा चेस अकादमी खोल्ने उद्देश्य लिएर नगरनिगममा बैठक

सिलगढी :  सिलगढीमा चेस अकादमी स्थापित गर्ने उद्देश्य लिएर मेयर गौतम देव र अल बङ्ग्ला चेस संघका अध्यक्ष तथा ग्रान्ड मास्टर देवेन्दु बरूआले  आज एउटा बैठक गरे। सिलगढी नगरनिगमको सभा कक्षमा स्पोर्ट कमिटीका सबै सदस्य, ग्रान्ड मास्टर दिवेन्दु बरूआसित मेयर गौतम देव, डेपुटी मेयर रञ्जन सरकारले आज एउटा बैठक गरे। उक्त बैठकमा सिलगढीमा चेस अकादमी स्थापित गर्ने विषयमा चर्चा परिचर्चा गरियो। यस अवसरमा दिवेन्दु बरूआले भने, कोलकाता केन्द्रित क्षेत्रमा चेस खेल्ने धेरै अवसरहरू छ, किनभने त्यहाँ धेरै सुविधाहरू छ। केही दिन अघि सिलगढीमा पनि चेस अकादमी खोल्ने विषयमा मेयर गौतम देवसित कुराकारनी गरेको थिए। त्यहीँ अनुसार तिनले अकादमीको लागि ठाउँ खोज्न शुरू गरे। अकादमी खोल्ने काम निक्कै अघि बढिसकेको छ। अकादमी खोलिए धेरैजना प्रतिभावान खेलाडीहरूलाई निक्कै सहयोग पुग्नेछ।