सिलगढीमा चोरी भएको टोटो उद्धार, एकजना बदमाश पक्राउ

सिलगढी, 2 जनवरी (निसं)। न्यू जलपाइगढी थाना पुलिसले चोरी भएको केही घण्टामैं टोटो उद्धार गरेको छ। यसको साथै, उक्त घटनामा एकजना व्यक्तिलाई पक्राउ गरेको छ। प्राप्त जानकारी अनुसार, बुधबार राति पश्चिम धनतला क्षेत्रमा अब्दुल अजीज नामक व्यक्तिको टोटो चोरी भएको थियो। त्यसपछि उनले न्यू जलपाइगढी थानामा लिखित अभियोग दर्ता गराएका थिए। अभियोगको आधारमा पुलिसले घटनाको जाँच शुरू गर्नको साथै फूलबारी मर्डर मोडबाट विराज बर्मन नामक एकजना युवकलाई पक्राउ गरेको छ। पुलिसले हराएको टोटो पनि उद्धार गरेको छ। चोरी गरेको टोटो कश्मीर कालोनी क्षेत्रमा लुकेका थिए। आरोपीलाई आज जलपाइगढी अदालतमा पेश गरियो।