सिलगढीमा चोरीको भिन्न-भिन्नै मामिलामा 4 जना पक्राउ

सिलगढी, 28 नोभेम्बर (निसं): भक्तिनगर थाना पुलिसले चोरीको भिन्न-भिन्नै तीन मामिलामा चार बदमासलाई पक्राउ गरेको छ। गत 24 सेप्टेम्बरमा पीसीएम हाउसमा एसीको पाइप र तार चोरीको घटना भएको थियो। यस मामिलामा भक्तिनगर थानामा लिखित उजुरी दर्ता गरिएको थियो। घटनाको छानबिन गर्ने क्रममा पुलिसले मोहम्मद छोट्टू र रामप्रसाद मण्डल नाम गरेका दुई जना व्यक्तिलाई पक्राउ गरेको छ। पक्रा परेका मोहम्मद छोट्टूको घर अशरफ नगरमा र रामप्रसाद मण्डलको घर सिलगढी 44 नम्बर वार्डमा रहेको छ।
दोस्रो घटना, भक्तिनगर थाना क्षेत्रको इन्डस्ट्रियल स्टेटमा 12 नोभेम्बरमा चोरीको घटना भएको थियो। घटनापछि भक्तिनगर पुलिसले जाँच गर्ने क्रममा केही सुइँको पाएपछि पापन दासलाई पक्राउ गर्योप। तिनको घर एनजेपीमा रहेको बताइएको छ।
त्यस्तै, तेस्रो घटना 26 नोभेम्बर इन्डस्ट्रियल स्टेटमा एउटा दोकानमा चोरीको घटना घटेको थियो। उक्त घटनाको छानबिनको क्रममा पुलिसले फकदइबाडीका सञ्जय दासलाई पक्राउ गर्योब। पुलिसले यी चारै जना बदमासहरू बाट चोरी भएका सामानहरू उद्धार गरेको छ।
आज सबै आरोपीलाई जलपाईगढी अदालतमा पेश गरियो। पुलिसले सम्पूर्ण घटनाको जाँच गरिरहेको छ।