सिलगढीमा चोरीको मोटर पम्पसहित 2 जना पक्राउ

सिलगढी, 16 दिसम्बर (निसं): सिलगढीको भक्ति नगर थाना पुलिसले सादा पोशाकमा मोटर पम्प चोरीको मामिलामा दुई जना युवकलाई पक्राउ गरेको छ। आरोपीहरूको नाम गोपाल दास र साहिल साहा उर्फ सनी हो। प्राप्त जानकारी अनुसार, गत शनिबार भक्ति नगर थानाअन्तर्गत 40 नम्बर वार्डको खिचडी पट्टी क्षेत्रमा एउटा घरबाट पानीको मोटर पम्प चोरी भएको थियो। त्यसपछि घरका मालिकले भक्ति नगर थानामा लिखित उजुरी दर्ता गराएका थिए। उजुरीको आधारमा जाँचमा जुटेको भक्ति नगर थाना पुलिसले गोपाल चोरीको मोटर पम्प बिक्री गर्न साहिलकहाँ गएको कुरा हिज राति थाहा पायो। त्यसपछि भक्ति नगर थाना पुलिसले सादा पोशाकमा गोपाललाई चोरी गरेको मोटर पम्प सहित अनि क्रेता साहिललाई पनि पक्राउ गऱ्यो। आज आरोपीहरूलाई जलपाईगढी अदालतमा पेश गरेको छ। पुलिसले सम्पूर्ण घटनाको छानबिन गरिरहेको छ।