सिलगढीमा घरेलु रक्सीसहित एकजना पक्राउ

सिलगढी : एनजेपी पुलिसले घरेलु रक्सीसहित एकजना व्यक्तिलाई पक्राउ गरेको छ। पक्रा परेका व्यक्ति मोनरञ्जन महन्तको रूपमा चिन्हित गरिएको छ। प्राप्त जानकारीअनुसार धेरै समय अघिदेखि उक्त व्यक्तिले अम्बिकानगरको नीचपाड़ा इलाकामा घरेलु रक्सीको कारोबार गर्दै आइरहेका थिए। गोप्य सूचनाको आधारमा एनजेपी पुलिसले सादा पोशाकमा अभियान चलाएर धेरै मात्रामा घरेलु रक्सीसहित उक्त व्यक्तिलाई पक्राउ गरेको बताइएको छ। उक्त व्यक्तिलाई आज जलपाईगढी अदालतमा पेश गरियो।