सिलगढी महकुमा परिषद विकास गर्न विफल, माकपाद्वरा हस्ताक्षर संग्रह अभियान

सिलगढी (निसं):  सिलगढी महकुमा परिषद विकास कार्यमा पूर्ण रूपले विफल रहेको दार्जिलिङ जिल्ला माकपाले आरोप लगाउँदै बुधवार नक्सलबारीमा हस्ताक्षर संग्रह अभियान गऱ्यो। यस अवधि माकपा नेताहरूले सिलगढी महकुमा परिषदलाई घेराउ गर्ने पनि चेतावनी दिए। आज नक्सलबारीको पार्टी कार्यालयदेखि सम्पूर्ण नक्सलबारी क्षेत्रमा माकपाको तर्फबाट हस्ताक्षर संग्रह अभियान चलाइयो। यस अवसरमा माकपाका जिल्ला सचिव समन पाठक, सीटू जिल्ला अध्यक्ष गौतम घोष, नक्सलबारी एरिया कमिटी सचिव विकास चक्रवर्ती लगायत अन्य उपस्थित थिए।