सिलगढीमा मास्क नलगाउनेहरू विरुद्ध पुलिसको अभियान, 24 जना पक्राउ

सिलगढी : राज्यमा कोरोना संक्रमितहरूको सङ्ख्या बढ्दै गइरहेकोले सरकारद्वारा कोरोना सम्बन्धी केही प्रतिबन्ध लागू गरेको छ भने कोरोनाको रोकथाम गर्न मास्क नलगाई हिँड्डुल गर्ने मानिसहरूविरुद्ध प्रशासनले कार्वाही गर्ने निर्देश पनि दिएको छ। यसैले सिलगढी मेट्रोपलिटन पुलिसको एनजेपी थाना पुलिसले मास्क नलगाई सहरमा हिँड्डुल गर्ने मानिसहरूविरुद्ध लगातार अभियान चलाइरहेको छ। यसै क्रममा आज फेरि एनजेपी थाना पुलिसले मास्क नलगाउनेहरूविरुद्ध अभियान चलाएर मोठ 24 जनालाई पक्राउ गरेको छ। पुलिसद्वारा यस प्रकारको अभियान लगातार जारी रहने बताइएको छ।