सिलगढीमा निर्धारित रूटमा नचल्ने टोटो विरूद्ध ट्राफिक पुलिसको अभियान

सिलगढी, 6 जनवरी (निसं): निर्धारित रूटको पालन नगरेर सिलगढी शहरमा टोटोले मनपरी जतासुकै कुदाउने गरेको छ। आज सिलगढी मेट्रोपोलिटन पुलिसको जंक्शन ट्राफिक गार्डले निर्धारित रूटलाई पालन नगरेर जतासुकै मनपरी चलाउने टोटोहरू विरुद्ध अभियान चलाएको छ। शहरमा भीड कम गर्नका लागि केही महिना पहिला टोटोहरूको रूट निर्धारण गरिएको थियो। यसको साथै, टोटोमा निलो, पहेँलो, हरियो र बैंगनी रंगका स्टिकरहरू पनि लगाइएको थियो। यद्यपि, त्यसपछि पनि टोटोहरूले निर्धारित रूटको पालन नगरेर विभिन्न रूटमा चल्न थालेका छन्। यसै कारण जंक्शन ट्राफिक गार्डले सोमबार अभियान चलाएको बताइएको छ। आज धेरै वटा यस्ता टोटोहरू ट्राफिक पुलिसले जफत गरेर जरिमाना लगाइएको छ। ट्राफिक गार्डले टोटो चालकहरूलाई निर्धारित रूटमा टोटो चलाउने चेतावनी पनि दिएको छ।