सिलगढीमा प्रतिबन्धित कफ सिरप सहित 2 जना पक्राउ

सिलगढी : एसओजी र प्रधान नगर थाना पुलिसले संयुक्त अभियान चलाएर प्रतिबन्धित कफ सिरप सहित 2 जना युवकलाई पक्राउ गरेको छ। पक्रा परेका युवक प्रधान नगर थाना अन्तर्गत इलाका निवासी शिलाजीत दत्त र पलास महन्तोको रूपमा सामेल छन्। प्राप्त जानकारी अनुसार आज अपरान्ह शिलाजीत दत्त साथीसित स्कुटीको डिक्कीमा प्रतिबन्धित कफ सिरप लुकाएर जङ्क्शन एसजेडीए मार्केट संलग्न एनबीएसटीसी बस स्ट्यान्डको 2 नम्बर गेट नजिक बिक्री गर्ने उद्देश्यले पुगेका थिए। गोप्य सूचनाको आधारमा एसओजी र प्रधान नगर थाना पुलिस पुलिसले संयुक्त अभियान चलाएर स्कुटीको छानबीन गर्दा स्कुटीको डिक्कीबाट 29 बोतल प्रतिबन्धित कफ सिरप उद्धार गरेको बताइएको छ। यसपछि पुलिस 2 जना युवकलाई पक्राउ गरेपछि भोलि शनिबार सिलगढी अदालतमा पेश गरिने भएको छ।