सिलगढीमा रामनवमी शोभायात्रा अवधि मुस्लिम युवाहरूद्वारा साम्प्रदायिक सौहार्द तथा एकताको उदाहरण दिँदै पिउने पानी वितरण

सिलगढी : रामनवमीको अवसरमा सिलगढीमा साम्प्रदायिक सौहार्द तथा एकताको उदाहरण देखियो। इलाकाका मुस्लिम युवकहरूले रामनवमी शोभायात्रा अवधि हिन्दू भाइ-बहिनीहरूलाई पिउने पानी वितरण गरे। प्रत्येक वर्ष झैँ यस वर्ष पनि रामनवमीको अवसरमा सिलगढीमा एउटा विशाल शोभायात्रा निकालिइयो। उक्त शोभायात्रामा धेरै संख्यामा मानिसहरूले अंश ग्रहण गरेका थिए। रामनवमीको शोभायात्रामा केही किलोमिटर पैदल हिँडेर आएका हिन्दू भाइ-बहिनीहरूलाई मुस्लिम युवकहरूले पिउने पानीको व्यवस्था गरेका थिए। सिलगढीको हासमी चौकमा साम्प्रदायिक सौहार्द तथा एकताको तस्विर देखापर्यो। यस अवधि केही स्थानीय मुस्लिम युवाहरूले रामनवमीको शोभायात्रामा सामेल भएका मानिसहरूलाई पिउने पानी र जुस वितरण गरे। स्थानीय शहनाज हुसेन, मोहम्मद सोहेल, मोहम्मद सद्दाम, बैराज हुसेन, मोहम्मद चाँद, मोहम्मद फियाज अहमद  लगायत अन्य केही युवाहरूले शोभायात्रामा सामेल भएका मानिसहरूलाई लगभग 5000 बोतल पिउने पानी र फलको जुस वितरण गरे। यस अवधि केही मुस्लिम युवाहरूले सेल्फी पनि लिए।