सिलगढीमा स्पाको आडमा देह व्यापारको कालो धन्दा, 2 जना महिला सहित युवक पक्राउ

सिलगढी, 10 जनवरी: स्पाको आडमा देह व्यापारको कालो धन्दा चलाएको आरोपमा 2 जना महिला सहित एकजना युवकलाई पक्राउ गरिएको छ। जानकारी अनुसार, सिलगढीको मतिगढास्थित एउटा मलको ग्राउन्ड फ्लोरमा स्थित उक्त स्पामा धेरै अघिदेखि स्पाको आडमा देह व्यापारको धन्दा चलिरहेको थियो। यसैबीच, गोप्य सूचना पाएपछि मतिगढा थानाको पुलिस र एसओजी-ले संयुक्त अपरेशन चलाएर स्पामा ग्राहकको रूपमा प्रवेश गरे। त्यसपछि देह व्यापारको भण्डाफोड भएको छ। यस घटनामा पुलिसले स्पाका म्यानेजर सहित 2 जना महिलालाई पक्राउ गरेको छ। यसको साथै, ग्राहकको रूपमा आएका जलपाईगढीको एकजना युवकलाई पनि पक्राउ गरिएको छ। भोली शनिबार सबै आरोपीहरूलाई सिलगढी अदालतमा पेश गरिने छ। हाल, यस घटनामा अरू को-को संलग्न छन् भनेर पुलिसले जाँच शुरु गरेको छ।