सिलगढीमा टोटो भाडामा दिनअघि हुनुहोस् सावधान! चालक टोटो लिएर हुनसक्छ चम्पट

सिलगढी (निसं): यदि तपाईँले टोटो चलाउनको लागि भाडामा कसैलाई दिएको छ भने सावधान हुनुहोस्। नभए तपाईँको टोटो लिएर चालकले चम्पट कस्न सक्नेछ। सिलगढीमा एउटा यस्तै घटना अघि आएको छ। बाग्राकोर्ट इलाकाका एकजना व्यक्तिबाट अमजद अन्सारीले ई-रिक्शा (टोटो) भाडामा चलाउनको लागि लिएका थिए। गत 15 दिनदेखि अमजदले उक्त टोटो चलाइरहेको थियो। यसैबीच गत 15 मार्चमा अमजद अचानक टोटो लिएर निखोज भएका थिए। टोटो मालिकले धेरै ठाउँमा खोजी गरे तापनि टोटो र चालकको कुनै पत्तो लागेन। यसपछि टोटो मालिकले गत 17 मार्चमा सिलगढी थानामा टोटो चोरी भएकोबारे लिखित अभियोग दर्ता गरेपछि जाँचमा जुटेका पुलिसले गत राति आमबारीबाट टोटो चालक अमजद अन्सारीलाई पक्राउ गर्नको साथै चोरी गरेको टोटो पनि उद्धार गरेको छ। पक्रा परेका चालकलाई आज सिलगढी अदालतमा पेश गर्यो।