सिलगढीमा तृणमूलको तर्फबाट सम्प्रीति यात्राको आयोजना

सिलगढी : सिलगढीमा तृणमूलको तर्फबाट सम्प्रीति यात्राको आयोजना गरियो। आज सिलगढीको बाघाजतीन पार्कबाट दार्जिलिङ जिल्ला तृणमूल कङ्ग्रेसको तर्फबाट सम्प्रीति यात्राको आयोजना गरिएको हो। उक्त रैलीमा विभिन्न धर्मका धर्मगुरूहरू लगायत सिलगढी नगरनिगमका मेयर गौतम देव, दार्जिलिङ जिल्ला तृणमूल सभानेत्री पापिया घोष एवम् जिल्लाका अन्य नेतृत्वहरू उपस्थित थिए। आज सिलगढीको बाघाजतीन पार्कबाट एउटा रैली निकालेर हासमी चोक हुँदै सेभोक मोड, पानीट्याङ्की मोड भएर रामकृष्ण मैदानमा पुगेपछि समापन गरियो। उक्त रैली सहरको मस्जिद, मन्दिर, गुरूद्वारा एवम् चर्च अघि भएर  परिक्रमा गर्यो। रैलीको अन्तमा रामकृष्ण मैदानमा एउटा सभाको आयोजना गरियो। स्मरण रहोस्, केही दिन अघि मुख्यमन्त्री ममता ब्यानर्जीले विभिन्न जिल्लाका तृणमूल नेतृत्वहरूलाई उक्त सम्प्रीति यात्राको आयोजना गर्ने निर्देश दिएकी थिइन्। तिनले सबै धर्मका मानिसहरूलाई एकसाथ लिएर सम्प्रीति यात्राको आयोजना गर्ने दिएको निर्देश अनुसार नै आज रैलीको आयोजना गरिएको हो।