सिलगढी नगर निगमले हाइड्रेनमा बनाएको अवैध दोकानलाई गऱ्यो ध्वस्त

सिलगढी (निसं): नगर निगमले सिलगढीको वार्ड नम्बर 5 मा अवैध निर्माणलाई आज ध्वस्त पारिदिएको छ। हाइड्रेन कब्जा गरेर बनाएको दोकानलाई नगर निगमका कर्मचारीहरूले भत्काइदिएको छ। प्राप्त जानकारी अनुसार नगर निगमले पहिला नै कति पल्ट घर मालिकलाई अवैध निर्माण भत्काउनको लागि नोटिस जारी गरेको थियो। यसपछि पनि मालिकले उक्त निर्माण नभत्काएको बताइएको छ। यसपछि नगर निगमका कर्मचारीहरूले बिहिबार बिहानदेखि उक्त अवैध भवन निर्माण भत्काउने काम शुरू गरेको छ। सिलगढीको खालपाडा आउट पोस्ट पुलिसको उपस्थितिमा हाइड्रेन माथि बनिएको अवैध निर्माणलाई ध्वस्त गरिदिएको छ। अर्कोतिर, अवैध निर्माण भत्काइ दिएकोमा घर मालिकले असन्तुष्टी व्यक्त गरेका छन्। यस इलाकाको धेरै ठाउँमा हाइड्रेन अतिक्रमण गरेर घर तथा दोकानहरू बनाएको छ तर तिनीहरू विरूद्ध किन कार्वाही गरिँदैन भन्ने तिनले प्रश्न गरेका छन्।