सिलगढी सहरलाई जाम मुक्त गराउन तथा टोटोलाई नियन्त्रणबारे नगरनिगम अधिकारीहरूको बैठक

सिलगढी: सिलगढी सहरमा जामको समस्या तथा टोटोलाई नियन्त्रणमा ल्याउनको लागि सिलगढीका मेयर गौतम देवले आज नगरनिगममा प्रशासनिक अधिकारीहरूसित एउटा महत्वपूर्ण बैठक गरे। सिलगढीमा जामको समस्या समाधान गर्नका लागि केही योजना बनाए तापनि कुनै फाइदा भएन। यसपल्ट टोटोलाई नियन्त्रण ल्याउनको लागि सिलगढी नगरनिगमले एउटा नयाँ पहल शुरू गरेको छ। यसलाई लिएर आज नगरनिगमको सभा कक्षामा एउटा बैठकको आयोजना गरियो। उक्त बैठकमा नगरनिगमका डेपुटी मेयर, ट्राफिक एडीसीपी पूर्णिमा शेर्पा, महकुमाशासक प्रियङ्का सिंह, एआरटीओ लगायत अन्य प्रशासनिक अधिकारी अनि मेयर परिषद उपस्थित थिए। उक्त बैठकमा टोटोलाई नियन्त्रणमा ल्याउने विषयमा लामो चर्चा-परिचर्चा गरियो।