सिलगढी टी ट्रेडर्स एसोसिएशनको कार्यकारिणी समिति गठन

सिलगढी : सिलगढी टी ट्रेडर्स एसोसिएशन (एसटीटीए)-को नयाँ कार्यकारिणी समिति गठन गरियो। नयाँ सत्र 2020-2022-को लागि गठन गरिएको उक्त कार्यकारिणी समितिमा गङ्गाधर नकीपुरियालाई अध्यक्ष चयन गरियो। यसबाहेक अन्य 12 जना कार्यकारी सदस्य पनि चयन गरिएको छ। यस अवसरमा नयाँ अध्यक्ष गङ्गाधर नकीपुरियाले नयाँ कार्यकारिणी समितिलाई एसटीटीए सदस्यहरूले सुम्पेको जिम्मेवारीलाई पुरा गर्न आफूहरू सदैव तत्पर रहने बताए। यसको साथै सबैको सहयोग र सुझाउअनुसार चिया उद्योगलाई ऊँचाइमा लैजाने तिनले आश्वासन दिए। स्मरण रहोस्, नयाँ कार्यकारिणी समिति गठन गर्ने उद्देश्य लिएर हिजो सिलगढीको वर्द्धवान रोडस्थित एसटीटीए कार्यालयमा एसटीटीएको साधारण सभा सम्पन्न गरियो। उक्त सभामा टी बोर्ड इन्डियाका उपनिदेशक रमेश कुमार कुजुर मुख्य अतिथिको रूपमा उपस्थित थिए भने एसटीटीए-का धेरैजना सदस्यहरू पनि उपस्थित थिए।