सिलगढीबाट करोड रूपियाँको ब्राउन शुगर सहित दुईजना पक्राउ

सिलगढी (निसं): सिलगढी मेट्रोपलिटन पुलिसको स्पेशल अपरेशन ग्रुप (एसओजी) र मतिगढा थाना पुलिसले करोड रूपियाँको ब्राउन शुगर सहित दुई जनालाई पक्राउ गरेको छ। पक्रा पर्नेहरूमा संजीत साहा र इमाम हुसैन सामेल छन्।प्राप्त जानकारी अनुसार, मुर्शिदाबादबाट संजीत र इमामले करोड रूपियाँको ब्राउन शुगर लिएर सिलगढीको मतिगढा थाना अन्तर्गत विश्वास कलोनी आइपुगेका थिए। यसबारे एसओजी-ले गोप्य सूचना पाएपछि मतिगढा थानाको सहयोगमा अभियान चलाएर संजीत र इमामलाई पक्रिएको छ। तिनीहरूबाट 414 ग्राम ब्राउन शुगर उद्धार गरेको छ। यसको बजार मूल्य करोड रूपियाँ बताइएको छ। मतिगढा पुलिसले दुवै आरोपीलाई एनडीपीएस एक्ट अन्तर्गत पक्राउ गरेको छ। तिनीहरूलाई भोली शनिवार सिलगढी अदालतमा पेश गरिने छ।