शीतलकुची घटनाको प्रतिवादमा सिलगढीमा दार्जिलिङ जिल्ला तृणमूलले निकाल्यो धिक्कार र्‍याली

सिलगढी : शीतलकुची घटनाको प्रतिवादमा आज दार्जिलिङ जिल्ला तृणमूल कङ्ग्रेसको तर्फबाट सिलगढीमा धिक्कार र्‍यालीको आयोजना गरियो। उक्त र्‍याली  सिलगढीको बाघाजतीन पार्कबाट शुरू गरेर सिलगढी सहरको विभिन्न मार्गहरूको परिक्रमा गरेर एयरभ्यु मोड़मा पुगेर समापन गरियो। दार्जिलिङ जिल्ला तृणमूल अध्यक्ष रञ्जन सरकार लगायत पार्टीका अन्य नेता तथा कार्यकर्ताहरूले कालो ब्याच लगाएर र्‍यालीमा सामेल भएका थिए। उक्त र्‍यालीपछि एयरभ्यू मोड़मा गृहमन्त्री अमित शाहको पुतला दहन गर्दै अमित शाहले राजीनामा दिनुपर्ने माग गर्दै विरोध प्रदर्शन गरे। अर्कोतिर, आज रञ्जन सरकारको नेतृत्वमा विभिन्न राजनीतिक दल छोडेर लगभग 30 जना व्यक्तिहरू तृणमूल कङ्ग्रेसमा सामेल भए।