सोनादा क्षेत्रका सबै कोरोना संक्रमित जाती भएर फर्किए घर

सोनादा: सोनादा क्षेत्रका 10 जना कोरोना पोजिटिभ भेट्टाइएकाहरू सबै जना जाती भएर घर फर्की आएको जानकारी गोजमुमो केन्द्रीय सदस्य एवं सोनादा पचेङ समष्टिको पूर्व सभासद महेन्द्र प्रधानले दिएका छन् । तिनले आज सोनादामा पत्रकार सम्मेलन गरी यस क्षेत्रको दशजना नै जाती भएर आएकोले खुशी व्यक्त गर्दै सबैलाई बधाई र धन्यवाद दिए। सोनादा क्षेत्र सानो भए पनि सबैभन्दा ज्यादा कोरोनाको मामिला यही थियो तर सबैजना जाती भएर घर आएका छन् जसले गर्दा हामी खुशी छौं। कोरोनाको संक्रमण रोगीहरू जाती भएर घर आउँदा सबैलाई समाजहरूले सहयोग गरिदिने पनि तिनले आह्वान् गरेका छन्। महेन्द्र प्रधानले बाहिरबाट आउनेहरूलाई सबै समाजले सठीक रुपमा व्यवहार गरिदिने र सबैले सहयोग गरिदिने आह्वान् गर्दै अहिलसम्म खटिरहेका गैर सरकारी संस्था,  सर्भिलेन्स कमिटी, युवाहरू, नारी मोर्चाहरु लगायत सबै सामाजिक कार्यकर्ताहरूप्रति आभार प्रकट गरेका छन् । तिनले पत्रकार सम्मेलन मार्फत् अब सोनादा क्षेत्रमा पोजिटिभ मामिला शुन्य रहेको पनि जानकारी गराएका छन्।