सोनादा : सोनादा उच्चत्तर माध्यमिक विद्यालयमा शिक्षक दिवस तथा सम्वर्द्धना कार्यक्रम प्रधान अध्यापक कल्याण कुमार तामाङको अध्यक्षतामा सम्पन्न भयो। शिक्षक नरेन कटुवाल र दीपेन्द्र मुखियाले सञ्चालन गरेको कार्यक्रममा विद्यालयको सबै शिक्षणकर्मी र अशिक्षणकर्मीहरूलाई प्रधान अध्यापक कल्याण कुमार तामाङको बाहुलीबाट सम्मान जनाइयो।
कार्यक्रमलाई सम्बोधन गर्दै प्रधान अध्यापक कल्याण कुमार तामाङले हाल कोरोना महामारीको समयमा पनि स्कुलका सबै शिक्षक-शिक्षिकाहरूले दिनरात मेहनत गरेर गाउँ-गाउँमा गएर नानीहरूसित भेटभाट गरी शिक्षा दिने कार्य गरिरहेकोले ती सबै शिक्षणकर्मीहरूप्रति आभार प्रकट गर्दै तिनीहरूलाई सम्मान जनाइएको बताए।