सौरेनीमा पानीको टयाङ्की निर्माण कार्यको शिलान्यास

मिरिक (निसं): हर घर जल परियोजना मार्फत मिरिकको सौरेनी समष्टि अन्तर्गत खप्तवली गाउँका प्रत्येक घरमा मानिसहरूलाई पानी उपलब्ध गराउने उद्देश्य लिएर पानीको टयाङ्की निर्माण कार्यको लागि भूमि पुजा गरेर बिहिबार शिलान्यास गरिएको छ। उक्त टयाङ्की निर्माण कार्य गाउँका पानी संरक्षण कमिटीको देखरेखमा गरिने बताइएको छ। स्थानीय मानिसहरूले दिएको जानकारी अनुसार सौरेनी खप्तवली गाउँका मानिसहरूले धेरै वर्ष अघिदेखि पानीको समस्या झेल्दै आइरहेका थिए तर अब उक्त टयाङ्की निर्माण भएपछि गाउँको प्रत्येक घरमा पानी उपलब्ध हुनेछ अनि पानीको समस्या समधान हुनेछ। खप्तवली गाउँमा पानीको टयाङ्की निर्माण गर्न पहल गरिदिएकोमा सम्बन्धित निकाय, जीटीए प्रमुख अनित थापा अनि क्षेत्रीय कार्यकारी सभासद अरूण सिग्चीप्रति गाउँलेहरूले आभार प्रकट गरेका छन्।