श्रमिकको रूपमा काम गर्न अन्य राज्य गएका युवकको मृत्यु, क्षेत्रमा शोकको लहर

राजगञ्ज, 21 दिसम्बर (निसं): अन्य राज्यमा श्रमिकको रूपमा काम गर्दा एकजना युवकको मृत्यु भएको छ। यस घटनाले राजगञ्जको कुकुरजान गाउँ पञ्चायत अन्तर्गत पाकरीतला गाउँमा शोकको माहोल छाएको छ। मृतक युवकको नाम शुभङ्कर राय (24) हो। उनी चार दिनअघि श्रमिकका रूपमा काम गर्न मणिपुर गएका थिए। प्राप्त जानकारी अनुसार, शुभङ्कर राय राजगञ्जको कुकुरजान गाउँ पञ्चायत अन्तर्गत पाकरीतला गाउँका निरानन्द रायका छोरा थिए। उनका परिवारमा आमा-बाबु बाहेक एकजना दाजु र बहिनी छन्। उनी 15 दिसम्बर मणिपुरमा श्रमिकको रूपमा काम गर्न गएका थिए। त्यहाँ एउटा कम्पनीको सुरंग बनाउने काम भइरहेको थियो। बिहीबार काम गरिरहेको समय उनको टाउकोमा एउटा ढुंगा खसेर लाग्यो। उनलाई रगतले लथपथ अवस्थामा उद्धार गरेर अस्पताल लगिएको थियो, जहाँ चिकित्सकले उनलाई मृत घोषित गरे। आज बिहान युवकको शव आफ्नो घरमा ल्याइपुऱ्याएको छ। उक्त घटना पछि इलाकामा शोकको माहौल छाएको छ।