सुकेपोखरी क्षेत्रमा पनि छठ पुजाको आयोजना

सुकेपोखरी : सुकेपोखरी क्षेत्रमा पनि आस्थाको महान पर्व छठ पुजा भव्य रूपमा पालन गर्दै छठव्रतधारीहरूले आस्था एवम् भक्तिको साथमा पुजा अर्चना गरेर अस्ताइरहेको सूर्यलाई अर्घ्य दिए। भोजपुरी सङ्गठन सुकेपोखरीको पहलमा प्रत्येक वर्ष यहाँ छठ पुजाको आयोजना गर्ने गर्दछ। कोरोना महामारीले गर्दा यस वर्ष सतर्कता अप्नाएर छठ पुजाको आयोजना गरेको आयोजक समितिका ओमप्रकाश गुप्ताले बताए। छठव्रतधारीहरूले भोलि बिहान पुनः छठ घाटमा गएर पुजा अर्चना गर्नको साथै उदाउँदो सूर्यलाई अर्घ्य दिएर छठ पुजाको समापन गरिनेछ। यस वर्ष लगभग 28 परिवारले सामूहिक रूपमा छठ पुजा गर्ने साथै एउटा परिवारबाट 2 जना सदस्यलाई मात्र पुजा गर्ने अनुमति दिइएको तिनले बताए।