सुकेपोखरीमा ट्यालेन्ट सो कार्यक्रम

सुकेपोखरी : अनुज्ञालय दार्जिलिङ डीएसएसएस पोख्रेबुङ युनिट अन्तर्गत जागृति चिल्ड्रेन क्लब नागरी फार्मको पहलमा पाँचदेखि दस वर्षसम्मका नानीहरूलाई लिएर ट्यालेन्ट सो कार्यक्रम सम्पन्न गरियो। विशेष गरेर कोरोना महामारीले गर्दा सबै शैक्षिक संस्थानहरू बन्द रहेकोले नानीहरूमा लुकेको प्रतिभालाई प्रोत्साहन प्रदान गर्न उक्त कार्यक्रमको आयोजना गरिएको हो। ऱ्याम्स, गायन, नृत्य लगायतका प्रस्तुतिहरू समावेश गरिएको यस कार्यक्रममा 15 देखि 20 जना नानीहरूले अंश ग्रहण गरेका थिए। कार्यक्रममा अंश ग्रहण गर्ने नानीहरूलाई पारितोषिक प्रदान गरियो। बाल सुरक्षा कर्मचारी दर्शना राई, तेञ्जिङ लेप्चा तथा भीसी मेम्बरहरूको उपस्थितिमा उक्त कार्यक्रम सम्पन्न भयो।