तस्करी गर्न अगावै 11 वटा गाई-गोरू उद्धार

फाँसीदेवा : फाँसीदेवा थाना पुलिसले तस्करी हुन अगावै 11 वटा गाई-गोरू उद्धार गरेको छ। गोप्य सूचनाको आधारमा हिजो अबेर राति फाँसीदेवा थाना अन्तर्गत झमकलालजोत संलग्न राष्ट्रिय राजमार्गमा पुलिसले अभियान चलाएर एउटा पिकअप भ्यान रोकेर छानबीन गर्दा 11 वटा गाई-गोरू उद्धार गरेको छ भने अँध्यारोको फाइदा उठाएर चालकले घटनास्थलबाट सुइँकुच्चा ठोकेको बताइएको छ। पुलिस सूत्रले दिएको जानकारीअनुसार उक्त गाई-गोरू फुलबारीतर्फ लगिरहेको थियो। घटनाको जाँच शुरू गरेको पुलिस सूत्रले जनाएको छ।