तस्करी गर्न अगावै 23 वटा गाई-गोरू सहित 3 जना पक्राउ

फाँसीदेवा: तस्करी गर्न अगावै पुलिसले पिकअप भ्यानबाट 23 वटा गाई-गोरू सहित 3 जना तस्करलाई पक्राउ गरेपछि आज सिलगढी अदालतमा पेश गर्यो।  पक्रा परेकाहरू असम निवासी क्रमैले सुरज अली, बाक्कार अली र मइजुद्दीन अलीको रूपमा चिन्हित गरिएको छ। प्राप्त जानकारी अनुसार फाँसीदेवा थाना अन्तर्गत घोषपुकुर आउटपोस्ट पुलिसले आज तस्करी गर्न अगावै घोषपुकुर राष्ट्रिय राजमार्गमा 23 वटा गाई-गोरू सहित 3 जना तस्करलाई पक्राउ गरेको बताइएको छ। पुलिस सूत्रले दिएको जानकारी अनुसार जफत गरेको उक्त गाई-गोरू असम तस्करी गर्ने उद्देश्यले लगिरहेको थियो। उक्त गाई-गोरूको वैध कागजपत्र देखाउन नसकेपछि पुलिसले 3 जनालाई पक्राउ गरेको बताइएको छ। घटनाको जाँच शुरू गरेको पुलिस सूत्रले जनाएको छ।