टेट परीक्षा उत्तीर्ण गरे तापनि अझसम्म इन्टरभ्यू कल नआएपछि नेत्रहीन युवक अगरबत्ती बेच्न वाध्य

राजगञ्ज, 4 दिसम्बर (निसं): प्राथमिक टीईटी (टेट) परीक्षा उत्तीर्ण गरे तापनि साक्षात्कारको लागि अझसम्म कुनै कल आएको छैन। सय प्रतिशत नेत्रहीन युवक आशीष साहा बजारमा अहिले अगरबत्ती धुप बेचेर आफ्नो जीवन यापन गर्दैछन्। नेत्रहीन युवक आशीष साहा सिलगढी-जलपाइगढीका विभिन्न बजार तथा हाटहरूमा अगरबत्ती बेचिरहन वाध्य छन्।
स्मरण रहोस, आशीष राजगञ्ज ब्लकको फूलबारी-डाबग्राम भक्तिनगर क्षेत्रका निवासी हुन्। परिवारमा आमाबाबु र तीन भाई छन्। उनका बुबा र भाई किसान हुन्। आशीषले स्नातकोत्तर उत्तीर्ण गरेपछि बीएड पनि गरे। 2022-मा उनले प्राथमिक टेट परीक्षा दिए र उत्तीर्ण पनि भए, तर उनको साक्षात्कार अहिलेसम्म भएको छैन।
यसैले, उनी बेलाकोबा शिकारपुर हाट, आमबाड़ी, नक्सलबारी, मतिगढा, कोर्ट मोड, सिलगढीको जंक्सन जस्ता विभिन्न स्थानहरूमा गएर अगरबत्ती बेच्न वाध्य छन्।
आशीषले भने, “मैले टेट परीक्षा उत्तीर्ण गरेको छु, म दृढ विश्वास गर्दछु कि यदि मलाई साक्षात्कारमा बस्नको लागि अवसर दिइयो भने म आफ्नो योग्यता अनुसार सफल हुनेछु। विभिन्न संस्थानहरूमा आवेदन गरे तापनि मैले काम पाएको छुइँन्।”
राज्य सरकारले उनी जस्ता दृष्टिहीन व्यक्तिहरूको लागि विभिन्न संस्थानहरूमा कोटा तय गरेको छ। यदि, उनलाई कम्ती अनुबन्धको आधारमा काम दिइन्छ भने पनि उनी सधैं सरकारप्रति आभारी रहने बताएका छन्।