‘थाहा छैन तिमी सँग’ म्युजिक भिडियोको प्रिमियर सो सम्पन्न

मङ्पु (निसं): नेपालको मनोरम ठाउँहरूमा सुटिङ गरिएको युवा निर्माता बिशेष राईको निर्माण अनि युवा गायक रोहित राईको स्वर साथै बिनेश राई अनि उपासना तामाङको अभिनय, निर्देशक संगम राई, क्यामेराम्यान-एडिटर राजीव खवासको मुख्य भूमिका रहेको ‘थाहा छैन तिमी सँग’ म्युजिक भिडियोको प्रिमियर सो बिशेष होमस्टे मङ्पुमा एउटा भव्य कार्यक्रमबीच सम्पन्न भयो। रोशन राईको सभापतित्वमा सम्पन्न भएको कार्यक्रममा मुख्य अतिथि शिक्षक शिशिर राई, विशिष्ट अतिथि रतन गुरुङ उपस्थित थिए।यस कार्यक्रमको पहिलो चरणमा समाजलाई बहुमूल्य योगदान दिइरहनु भएका बिशिष्ट ब्यक्तिहरू क्रमैले शिशिर राई, रतन गुरुङ, केशर मोक्तान ‘गाउँले’, संजीव आचार्य, अरूण खवास, किशोर राई, समय दर्पण, साम्देन शेर्पा, सुरेन बर्मे, रमेश गुरूङ अनि बिशेस राईलाई संवर्द्धना जनाइयो।

यसैगरी कार्यक्रममा ‘थाहा छैन तिमी सँग’ को निर्माता बिशेष राईको बाहुलीबाट यस म्युजिक भिडियोसँग सम्बन्धित सम्पूर्ण टोली गायक रोहित राई, निर्देशक संगम राई, नायक बिनेश राई, नायिका उपासना तामाङ, छाँयाकार-एडिटर राजीव खवास, स्क्रिनप्ले बिभेक खवास, मेकअप म्यान कुशल मोहरा अनि बिशेष सहयोगी राहुल बुडाथोकीलाई स्मृति चिन्ह प्रदान गरियो। कार्यक्रमलाई शिक्षक शिशिर राई, राजनीतिज्ञ रतन गुरुङ, संगीतकार रमेश गुरूङ, एरेन्जर सुरेन बर्मे, गीतकार संजीव छेत्री, पत्रकार केशर मोक्तान, पत्रकार अरूण खवास, संगीतकर्मी किशोर राई आदिले सम्बोधन गरे। कार्यक्रममा उपासना तामाङले सुन्दर नृत्य प्रस्तुत गरिन् भने विशेष राईले ऱ्याप गीत प्रस्तुत गरे अनि कुशल मोहोराले सुन्दर कविता वाचन गरे। स्मरण रहोस, केही दिन पछि चाँडै यस म्युजिक भिडियोलाई युट्युब मार्फत सार्वजनिक गरिने बताइएको छ।