द पोयट आइडल’-का प्रतियोगी पल्लविवले भेटे अरूण सिग्चीलाई

मिरिक (निसं): नेपालको काठमाडौमा सम्पन्न भइरहेको ‘द पोयट आइडल’ कविता प्रतियोगिताको फाइनल राउन्डमा पुग्न सफल बनेका दार्जिलिङ बिजनबारीका कवि पल्लविवले मिरिकमा आएर जीटीए स्वास्थ परिवार जनकल्याण तथा अल्पसंख्यक विभागका कार्यकारी सभासद अरूण सिग्चीसित भेट गरे। यस अवसरमा तिनले ‘द पोयट आइडल’ कविता प्रतियोगितामा आफूलाई भोटको लागि सहयोग गरेर नै आफु आज फाइनल राउन्डसम्म पुग्न सकेको बताउँदै यसको लागि तिनले आभार पनि प्रकट गरे। यस अवसरमा सिग्चीले पल्लविवलाई बधाई तथा शुभकामना दिँदै फाइनलमा जीतको लागि आफूबाट हुने सहयोग गर्ने वचन दिएका छन्। यस अवसरमा जीटीएका जनसम्पर्क अधिकारी विवेक गोले, भागोप्रमो मिरिक सौरेनी समष्टि अध्यक्ष सुनिल प्रधान, उपाध्यक्ष तारा घिमिरे, नारी शक्ति मिरिक महकुमा अध्यक्ष गणिता गुरूङ लगायत धेरैजना उपस्थित थिए। स्मरण रहोस, गत केही साता अघि अरूण सिग्ची जीटीए प्रमुख अनित थापाको सन्देश बोकेर काठमाडौं पुगेर पल्लविवसित भेट गर्नको साथै भोटको लागि सहयोग पनि गरेका थिए।