तृणमूल नेता मोहन शर्मा भाजपा-मा सामेल

कालचिनी : कालचिनी ब्लकको सुभाषिनी चियाबारीस्थित मैदानमा सम्पन्न भाजपाको चुनावी सभामा आज तृणमूल कङ्ग्रेस त्यागेर मोहन शर्मा भाजपामा सामेल भए। देशका गृह मन्त्री तथा भाजपा नेता अमित शाहको प्रमुख उपस्थितिमा सम्पन्न भाजपाको चुनावी सभामा मोहन शर्माले आधिकारिक रूपमा भाजपामा सामेल भएर पार्टीको झण्डा ग्रहण गरे। यस अवसरमा अलिपुरद्वार जिल्ला सभापति गङ्गप्रसाद शर्मा, दार्जिलिङका सांसद राजु विष्ट, अलिपुरद्वार सांसद जोन बारला आदिको पनि प्रमुख रूपमा उपस्थिति रहेको थियो।