तृणमूल प्रार्थीको समर्थनमा नील भट्टाचार्य र त्रिना साहाले गरे सिलगढीमा रोड शो

सिलगढी : सोना पर्दाका अभिनेता नील भट्टाचार्य र त्रिना साहाले सिलगढी विधानसभाका तृणमूल उम्मेद्वार ओम प्रकाश मिश्राको समर्थनमा सिलगढी सहरमा रोड शो गर्दै चुनाउ प्रचार गरे। उक्त रोड शो सिलगढीको गोपाल मोड़बाट शुरू गरेर देशबन्धुपाड़ा, बाबुपाड़ा लगायत विभिन्न ठाउँहरूको परिक्रमा गर्यो। उक्त रोड शो-मा विभिन्न वार्डका नेता तथा कार्यकर्ताहरू सामेल थिए भने नील भट्टाचार्य र त्रिना साहाको एक झलक हेर्नको लागि सड़कमा मानिसहरूको निक्कै भीड देखियो। नील भट्टाचार्य र त्रिना साहाले चुनाउ प्रचार अवधि सिलगढी सहरका मानिसहरूबाट राम्रो प्रतिक्रिया प्राप्त भएकोले आउँदो विधानसभा चुनाउमा दिदीले विपुल मतले विजय हासिल गर्ने भनी बताए। स्मरण रहोस्, साना पर्दाका अभिनेता नील भट्टाचार्य र त्रिना साहा हालैमा तृणमूल कङ्ग्रेसमा सामेल भएका थिए।