उच्च माध्यमिक उतीर्ण विद्यार्थीहरूलाई सम्वर्द्धना

सुकेपोखरी: जोरबङलो सुकेपोखरी खण्डको पोख्रेबुङ बस्ती खण्ड नम्बर चारमा यस वर्ष माध्यमिक र उच्च माध्यमिक परीक्षामा उत्तीर्ण विद्यार्थीलाई लिएर सम्वर्द्धना कार्यक्रम सम्पन्न गरियो। तरूण कृषक सङ्घको तत्वावधानमा स्थानीय लेप्चा स्कूलमा सम्पन्न कार्यक्रमलाई संयोजक राजेश खवासले सञ्चालन गरेका थिए। उदय सुब्बा,मिलन सुब्बा, टेण्डुप लेप्चा, डुपछिरिङ लेप्चा,पासाङ तामाङ,अर्पण सुब्बा,निर्पेन लेप्चा तथा अन्यको उपस्थितिमा सम्पन्न कार्यक्रममा विद्यार्थीवर्गलाई खदा लगाएर मिठाई, कलम तथा नगद राशी प्रदान गर्दै शैक्षिक विकाशमा उत्तरोत्तर प्रगतिको शुभकामना व्यक्त गरियो । कार्यक्रममा सम्वर्द्धना जनाइएका विद्यार्थीहरूमा क्रमैले अध्ययन तामाङ, क्षिताज राई, साजन सुब्बा,प्रेरणा बिष्ट, तृष्णा सुब्बा, निकुञ्ज रार्ई, ज्ञामित लेप्चा र बिनमित लेप्चा प्रमुख रहेका थिए । यस आशयको जानकारी राजेश खवासले दिएका हुन् ।