युनाइटेड युथ एशोसिएसनद्वारा 105 विपन्न परिवारलाई खाद्य सामग्री वितरण

सुकेपोखरी: जोरबङलो सुकेपोखरी खण्डको पोख्रेबुङ ग्राम पञ्चायत तीन अन्तर्गत नागरी फार्म चियाबारीको सशक्त सामजिक संस्था युनाइटेड युथ एसोसिएसनद्वारा मगरजोङ चियाबारी क्षेत्रका 105 विपन्न परिवारलाई खाद्य सामग्रीहरू वितरण गरियो। उक्त खाद्य वितरणको लागि मगरजोङ अनि नागरी फार्मका क्षेत्रबाट धेरै जनाले सहयोग पुऱ्याएका थिए। संस्थाको तर्फबाट सहयोगी सबैप्रति आभार प्रकट गरिएको छ। आगामी दिनमा पनि यस प्रकारको कार्यक्रमलाई निरन्तरता दिने योजना रहेकोले गर्दा यसको लागि सहयोग गर्न चाहने कसैले पनि संस्थासित सम्पर्क राख्न सक्ने संस्थाका सुलभ प्रधानले बताएका छन् ।