खरसाङ (निसं): खरसाङ महकुमा अन्तर्गत अप्पर मामरिङमा नि:शुल्क स्वास्थ्य जाँच शिविरको आयोजना गरियो। उक्त स्वास्थ्य जाँच शिविरको आयोजना हिमालयन फ्रि चर्च, मानव मुक्ति ट्रस्ट र संयुक्त इसाई एकता मञ्चको संयुक्त आयोनामा सम्पन्न भएको छ। अप्पर मामरिङको लोवर पार्टस्थित सार्वजनिक भवनमा सम्पन्न उक्त नि:शुल्क स्वास्थ्य जाँच शिविरमा डाक्टरहरू सिलगढीबाट उपस्थित रहेका थिए। यस शिविरमा साधारण रोग विशेषज्ञ डा. अनुप मण्डल र अन्यहरू उपस्थित थिए।
यस शिविरमा मामरिङ क्षेत्रका लगभग 100 भन्दा धेर मानिसहरूले विभिन्न रोगहरूको जाँच गराए भने तिनीहरूलाई नि:शुल्क दबाईहरू पनि वितरण गरियो। यस अवसरमा तीनै संस्थाका पदाधिकारीहरू उपस्थित थिए। यस नि:शुल्क स्वास्थ्य जाँच शिविर विषयमा पत्रकारहरूसित कुराकानी गर्दै साधारण रोग विशेषज्ञ डा. अनुप मण्डल र हिमालयन फ्रि चर्चको तर्फबाट तिमोथी मुखियाले जानकारी गराएका छन्।