विवेकानन्दको जन्म जयन्तीको उपलक्ष्यमा भाजपाको तर्फबाट रक्तदान शिविरको आयोजना

राजगञ्ज : स्वामी विवेकानन्दको जन्म जयन्तीको उपलक्ष्यमा भाजपाको तर्फबाट स्वैच्छिक रक्तदान शिविरको आयोजना गरियो। राजगञ्ज ब्लकको पानीकौरी ग्राम पञ्चायत अन्तर्गत मगराडाङ्गीमा भारतीय जनता युवा मोर्चाको तर्फबाट आज रक्तदान शिविरको आयोजना गरियो। भाजयुमो-का नेतृत्वहरूले सर्वप्रथम राष्ट्रिय झण्डा उत्तोलन गरेपछि स्वामी विवेकानन्दको प्रतिकृतिमा माल्यार्पण गरे। यस विषयमा भाजपा राजगञ्ज ब्लक अध्यक्ष निताई मण्डलले भने, स्वामी विवेकानन्दको जन्म जयन्तीको उपलक्ष्यमा गत वर्ष झैँ यस वर्ष पनि स्वैच्छिक रक्तदान शिविरको आयोजना गरिएको हो। उक्त शिविरमा लगभग 50 युनिट रगत संग्रह गर्ने लक्ष्य राखिएको छ। शिविरमा संग्रह गरिएको रगत जलपाईगढी सदर अस्पतालमा पठाइनेछ।