यात्रु बोकेको सिटी अटो पल्टियो, 2 जना घाइते

फुलबारी, 3 जनवरीः नियन्त्रण गुमाइ पठाए पछि सडकमा पल्टियो यात्रु बोकेको एउटा सिटी अटो। उक्त दुर्घटनामा 2 जना घाइते भएका छन्। शुक्रबार यो घटना उत्तरकन्या नजिकको कमरांगागुड़ी ओभरब्रिज क्षेत्रमा भएको हो। स्थानीय सूत्र अनुसार, सिलगढीबाट एउटा सिटी अटो यात्रु लिएर फुलबारी तर्फ जाँदै थियो। त्यसै समय अटोले नियन्त्रण गुमाइ पठाएर सडकमा पल्टियो। अटोमा रहेका 4 जना यात्रुमध्ये दुई जना घाइते भएका छन्। घटनापछि स्थानीय मानिसहरूको सहयोगमा घाइतेलाई उद्धार गरेर नजिकको निजी अस्पतालमा पठाइदिएको छ। खबर पाएपछि न्यू जलपाइगढी पुलिस र फुलबारी हाइवे ट्राफिक आउटपोस्टको पुलिस घटनास्थलमा पुगेर दुर्घटनाग्रस्त अटोलाई उद्धार गर्नको साथै घटनाको जाँच शुरु गरेको छ।