सिलगढी (निसं): अत्याधिक गर्मीको समय आज सिलगढीको सडकमा आवतजावत गर्ने मानिसहरूलाई पानी दिएर ईस्ट बंगाल क्लबका सदस्यहरूले साँचो मानव सेवा गरे। अधिक गर्मीको समय साधरण मानिसहरूलाई केही राहत दिनका लागि आज ईस्ट बंगाल क्लबका सदस्यहरूले बाटोमा हिड्नेहरूलाई चिसो पानीको बोतल वितरण गरे। ईस्ट बंगाल क्लबद्वारा सम्पूर्ण पश्चिम बंगालमा नै ‘मानुषेर साथ मानुषेर पासे‘ सन्देश सहित यो विशेष पहल गरियो। ईस्ट बंगाल क्लबका सदस्य अनि समर्थकहरूले आज सिलगढीमा मानिसहरूलाई पानीको बोतल वितरण गरे। आज सबैभन्दा पहिला ईस्ट बंगाल लेन अनि हस्पिटल मोड तथा हाशमीचौकमा पेयजलको बोतलहरू वितरण गरियो। ईस्ट बंगाल क्लबका सदस्य अनुप बसुले भने, यो निर्णय ईस्ट बंगाल क्लबद्वारा गरिएको हो। यस्तो अत्याधिक गर्मीको समयमा आज सडकमा हिड्दै गरेका मानिसहरूलाई पिउने पानीको बोतल वितरण गरियो।