राजगञ्जमा चोरी गरेका मोटरसाइकल सहित 2 जना पक्राउ

राजगञ्ज, 10 दिसम्बर (निसं): राजगञ्ज पुलिसले चोरी गरेको मोटर साइकलसहित दुई जनालाई पक्राउ गरेको छ। सोमबार साँझ राजगञ्ज थाना अन्तर्गत करतोआ मोडबाट मोटर साइकलसहित दुई जनालाई पक्राउ गरिएको छ। पक्रा परेका आरोपीहरूको नाम मन्जर आलम र हसीरुल मोहम्मद बताइएको छ। मन्जर चोपडा ब्लकको नाहरगछका र हसीरुल राजगञ्जको बलराम इलाका निवासी हुन्।
पुलिस सूत्रले दिएको जानकारी अनुसार, हिजो साँझ करतोआ क्षेत्रमा गस्ती गर्ने क्रममा राजगञ्ज थाना पुलिसले तीव्र गतिमा सिलगढीबाट आइरहेको मोटरसाइकललाई रोकेर आशंका लागेपछि सोधखोज गर्दा तिनीहरूले मोटरसाइकल चोरी गरेको कुरा स्वीकार गरे। त्यसपछि मोटर साइकलसहित दुवै जनालाई पक्राउ गरियो। आज आरोपीहरूलाई जलपाइगढी जिल्ला अदालतमा पेश गरियो। पुलिस सम्पूर्ण घटनाको जाँचमा जुटेको छ।