स्वास्नीसित झगडा भएपछि मातेर लोग्नेले घरमा लगाइदिए आगो

फाँसीदेवा, 4 जनवरी (निसं): स्वास्नीसित झगडा परेपछि मत्थु लोग्नेले स्वास्नी र नानीलाई मार्ने उद्देश्य लिएर आफ्नै घरमा आगो लगाइदिए। तथापि, स्वास्नी आफ्नो नानीसहित कुनै उपायबाट बाँच्न सफल भइन्। यो सनसनीपूर्ण घटना शुक्रवार राति फाँसीदेवा स्थित जलास निजामतारा ग्राम पञ्चायत अन्तर्गत झमकलाल जोतमा घटेको हो। जानकारी अनुसार, नूर इस्लाम राति घरमा आएर खाना खाए। त्यस क्रममा उनको स्वास्नीसँग विवाद भएको थियो। त्यसपछि उनले कथित रूपमा आफ्नो स्वास्नीलाई कुटपिट गरे। त्यसपछि नूर इस्लाम मातेर आएपछि घरमा आगो लगाएर चम्पट कसे। घरमा आगो लागेको देखेर स्वास्नी अतिमा खातून नानीसहित बाहिर निस्किन सफल भइन्। त्यसपछि उनी आफ्ना बुबाको घर गइन्। यसै क्रममा घटनाको जानकारी पाएपछि फाँसीदेवा पुलिस घटनास्थलमा पुग्यो। स्थानीय मानिसहरूको सहयोगमा पुलिसले आगोलाई नियन्त्रणमा ल्याउने प्रयास गरे। पछि मतिगढाबाट आइपुगेको दमकलको गाडीले आगोलाई पूर्ण नियन्त्रणमा ल्यायो। घटनापछि पुलिसले भागेका नूर इस्लामको खोजी शुरू गरेको छ।