13 नोभेम्बरदेखि मङ्पु गोल्ड कप फुटबल प्रतियोगिता शुरू

मङपु : मङपु जनमैदानमा भोलि 13 नोभेम्बरदेखि शुरू हुने गोल्ड कप फुटबल प्रतियोगिताको फिक्चर मङपु युथ क्लब समूहद्वारा सार्वजनिक गरियो। उक्त गोल्ड कप फुटबल प्रतियोगितामा विभिन्न ठाउँका नामीदामी क्लबहरूले अंश ग्रहण गरेको छ भने ती टोलीहरूमा राष्ट्रिय तथा अन्तर्राष्ट्रिय स्तरका खेलाडीहरू समावेश रहने आयोजक समितिले जानकारी गराएको छ। उक्त फुटबल प्रतियोगिता आरम्भ हुनअघि खेल मैदानको अन्तिम तयारी हाल युद्धस्तरमा भइरहेको बताइएको छ। प्रतियोगिताको पहिलो उद्घाटन खेल भोलि हिमालयन एफसी सिक्किम बनाम नर्थ बेङ्गल आर्म्स पुलिस माझ सम्पन्न हुनेछ।