42 वटा गाई-गोरू सहित 2 जना तस्कर पक्राउ

सिलगढी (निसं): मतिगढा थाना पुलिसले 42 वटा गाई-गोरू सहित 2 जना तस्करलाई पक्राउ गरेपछि आज सिलगढी अदालतमा पेश गर्यो। पक्रा परेकाहरूमा सुबोध साहा (32) र अमर कुमार सिंह (22) सामेल छन्। पुलिस सूत्रले दिएको जानकारी अनुसार आज बिहान असम नम्बर (AS 26 EC 0383 र AS 25 EC 0384) भएको 2 वटा ट्रक बिहारदेखि 42 वटा गाई-गोरू लिएर असममा तस्करी गर्ने उद्देश्य लगिरहेको पुलिसले गोप्य सुइँको पाए। मतिगढा थाना पुलिसले फाँसीदेवा-मतिगढा अन्डरपास नजिक अभियान चलाएर 2 वटा ट्रकलाई रोकेर छानबीन गर्दा 42 वटा गाई-गोरू उद्धार गरेको बताइएको छ। यसपछि पुलिसले ट्रक चालकलाई उक्त गाई-गोरूको वैध कागजात माग्दा सो देखाउन नसकेपछि दुवै ट्रक चालकलाई गाई-गोरू तस्करी गरेको आरोपमा पक्राउ गरेको छ।