आमबारी शक्ति सोपान समाज सेवा संस्थाको पहलमा पिन्टु टिकादारलाई ट्राई साइकल प्रदान

राजगञ्ज : दुर्घटनामा परेर एउटा खुट्टा गुमाएका आमबारीका पिन्टु टिकादारलाई आज राजगञ्ज ब्लकको बिन्नागढी ग्राम पञ्चायतको आमबारी शक्ति सोपान समाज सेवा संस्थाको पहलमा राजगञ्जका विधायक खगेश्वर रायले ट्राई साइकल प्रदान गरे। अर्कोतिर, आमबारी शक्ति सोपान समाज सेवा संस्थाको नयाँ भवनको आज शिलान्यास गरियो। शिलान्यास कार्यक्रममा बिन्नागढी पञ्चायतका प्रधान शशी बर्मन, बिन्नागढी पञ्चायतका उप-प्रधान तुषार दत्त लगायत क्लबका सदस्यहरू उपस्थित थिए। यस अवसरमा विधायक खगेश्वर रायले भने, आज क्लबको नयाँ भवनको शिलान्यास गरियो। यसको साथै लगभग डेढ वर्ष अघि दुर्घटनामा परेर खुट्टा गुमाएका पिन्टु टिकादारलाई ट्राई साइकल प्रदान गरियो।