सिलगढी : कोरोनाको बढ्दो संक्रमणलाई ध्यानमा राखेर राज्य सरकारले हाल राज्यभरिमै आंशिक लकडाउनको घोषणा गर्नको साथै कतिपय विषयमा दिशा निर्देश जारी गरेको छ। तथापि, उक्त सरकारको लकडाउन सम्बन्धी निर्देशलाई हाल सिलगढीको कतिपय ठाउँहरूमा पालन नगरेको थाहा पाएपछि पुलिसले आजदेखि तिनीहरूविरुद्ध कार्वाही शुरू गरेको छ।
यसै क्रममा सिलगढीको एनजेपीस्थित गेट बजारमा 10 बजेपछि पनि यहाँका दोकानहरू खुल्लै रहेको थाहा पाएपछि एनजेपी थाना पुलिसले तिनीहरूविरुद्ध अभियान चलाएर दोकानपाट सबै बन्द गरिदिएको छ। यसको साथै राज्य सरकारद्वारा निर्देशित आंशिक लकडाउन सम्बन्धी नियम पालन नगरेको आरोपमा एनजेपी पुलिसले गेट बजारबाट हालसम्म 4 जना व्यक्तिलाई पक्राउ गरेको छ।