सिलगढी : सिलगढी मेट्रोपोलिटनको मतिगढा थाना पुलिस मादक पदार्थ तस्करी विरुद्ध लगातार अभियान चलाइरहेको छ। यसै क्रममा गत 3 तीन दिनमा मतिगढा थाना पुलिसले तीनवटा सफलता हासिल गरेको छ। गत अबेर राति मतिगढा थाना पुलिसले अधिक मात्रामा नशालु इन्जेक्सन सहित एकजना व्यक्तिलाई पक्राउ गरेको छ। पक्रा परेका व्यक्ति विवेक साउको रूपम चिन्हित गरिएको छ।
प्राप्त जानकारी अनुसार गत अबेर राति विवेक साउ नशालु इन्जेक्सन लिएर मतिगढाको खप्रेल मोड़मा ब्रिक्री गर्ने उद्देश्यले घुमिरहेको खबर पाउन साथ मतिगढा थाना पुलिसले उक्त इलाकामा अभियान चलाएर नशालु इन्जेक्सन सहित तिनलाई पक्राउ गरेको बताइएको छ। पक्रा परेका व्यक्तिलाई आज सिलगढी अदालतमा पेश गरेपछि पुलिस रिमान्डमा पठाएको छ। घटनाको जाँच शुरू गरेको पुलिस सूत्रले जनाएको छ।