अग्निपथ योजनाको विरोधमा प्रदर्शन, ट्रेनहरूको परिसेवा रद्द भएकोले यात्रुहरू समस्यामा

सिलगढी : अग्निपथ योजनालाई हाल देशभरिमै विवाद चलिरहेको छ। देशभरिमै यसको प्रतिवाद जनाउँदै विरोध प्रदर्शन गरिरहेकोले रेलहरूको परिसेवा बाधित बनेको छ। प्रदर्शनकारीहरूले विभिन्न ठाउँहरूमा केही ट्रेनमा आगो लगाई दिएकोले गर्दा धेरैजसो ट्रेनहरूको परिसेवा रद्द गरिदिएकोले यात्रुहरूलाई धेरै असुविधा भइरहेको छ। केही यात्रीहरू हाल सिलगढीको एनजेपी स्टेशनमा फँसेका छन् भने तिनीहरू आफ्नो गन्तव्यसम्म कसरी अनि कहिले पुग्नेछौँ भन्ने कुरालाई लिएर निक्कै चिन्तित छन्। केही यात्रीहरूले प्रदर्शनकारीहरूविरुद्ध रोष प्रकट गरे। यात्रीहरूको भनाइ अनुसार अग्निपथ योजनालाई लिएर भइरहेको विरोध प्रदर्शनले गर्दा धेरै असुविधा भइरहेको छ। आफूहरूसित स-साना नानीहरू तथा महिलाहरू रहेकोले तिनीहरूलाई लिएर स्टेसनमा बस्न बाध्य बनेका छौँ। विरोध प्रदर्शन गर्नेहरूले देशको सम्पत्ति नष्ट गरिरहेको छ। यसले हामीलाई नै समस्या हुनेछ।