एआईडीएसओ-द्वारा सीएए, एनआरसी र एनपीआर-को विरोधमा यात्रा

सिलगढी : सीएए, एनआरसी र एनपीआर-को विरोधमा एआईडीएसओ-को तर्फबाट आजदेखि अङ्गीकार यात्राको शुरूवात गर्यो। आज 1 फरवरीदेखि 7 फरवरीसम्म उक्त अङ्गीकार यात्रामा तिनीहरू सामेल हुने भएका छन्। उक्त अङ्गीकार यात्रा कलकत्ताको कलेज स्क्वायर विद्यासागर मूर्ति अघि पुगेर सभाको आयोजना गरेपछि समापन गरिने भएको छ। विशेष गरेर ईश्वरचन्द्र विद्यासागरको 200औँ जन्मजयन्तीको अवसरमा विद्यासागरको वाणीलाई देशभरि प्रचार गर्ने उद्देश्य लिएर उक्त यात्राको आयोजना गरिएको बताइएको छ। उक्त अङ्गीकार यात्राको अवसरमा दार्जिलिङ जिल्ला डीएसओ-को तर्फबाट एउटा ऱ्यालीको आयोजना गर्नको साथै सिलगढीको बाघाजतीन पार्कमा एउटा सभाको पनि आयोजना गरियो। उक्त सभामा राज्य एवम् जिल्लाका नेतृत्वहरू उपस्थित थिए। आउँदो आइतबार सिलगढीबाट पनि एउटा अङ्गीकार यात्रा शुरू भएर कोलकता पुगेपछि समापन गरिने भएको छ।


Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.