अलिपुरद्वारबाट आउने भाजपा समर्थकहरूको निम्ति विशेष ट्रेनको व्यवस्था

अलिपुरद्वार : अलिपुरद्वार जिल्लाको कालचिनी, हेमिल्टनगञ्ज, हाँसीमारा लगायत विभिन्न ब्लकका भाजपा कर्मीहरू आज सिलगढीमा सम्पन्न हुने अमित शाहको जनसभामा अंश ग्रहण गर्नको लागि विशेष ट्रेनको माध्यमद्वारा सिलगढी प्रस्थान गरेका छन्। भाजपाको तर्फबाट पार्टीका कार्यकर्ताहरूलाई सिलगढीमा सम्पन्न जनसभामा अंश ग्रहण गर्नको लागि एउटा विशेष ट्रेनको व्यवस्था गरिदिएको छ।  भाजपाका विधायकहरूको नेतृत्वमा हजारौँको संख्यामा भाजपा कार्यकर्ता तथा समर्थकहरूलाई लिएर विशेष ट्रेनको माध्यमद्वारा सिलगढीतर्फ प्रस्थान गरेको छ। जनसभा समाप्त भएपछि फेरि उक्त ट्रेनको माध्यमद्वारा तिनीहरू फर्कन सक्नेछन्।