आलिपुरद्वारको असम-बंगाल सीमा क्षेत्रमा एकजना व्यक्तिको सढेको शव उद्धार

आलिपुरद्वार, 25 दिसम्बर (निसं): अलिपुरद्वार जिल्लाको असम-बंगाल सीमासँग जोडिएको भोल्का चढाइ महल क्षेत्रमा एकजना व्यक्तिको सढेको अवस्थामा शव फेला परेपछि सनसनी फैलिएको छ।
जानकारी अनुसार, बुधबार बिहान स्थानीय मानिसहरूले एउटा घरबाट नराम्रो गन्ध आएको थाहा पाए। त्यसपछि स्थानीय मानिसहरू उक्त घरमा गएर हेर्दा एकजना व्यक्तिको सढेको शव देखे। त्यसपछि तुरुन्तै घटनाको जानकारी बारोबिशा आउटपोस्ट पुलिसलाई दिए। सूचना पाएपछि पुलिस घटनास्थलमा पुगेर शवलाई उद्धार गरेर पोस्टमार्टमको लागि आलिपुरद्वार जिल्ला अस्पताल पठायो। बारोबिशा आउटपोस्ट पुलिसले सम्पूर्ण घटनाको छानबिन गरिरहेको छ।